බෞද්ධ සාහිත්‍යයේ මිණිමෙවුල්දම
බුදුරජාණන් වහන්සේ පහළ වූයේ ලංකාවේ ද? (2 වෙනි කොටස)
මිථ්‍යා මතයක් තහවුරු කරලීම පිණිස සිදුකර ඇති මේ නිර්ලජ්ජිත අසත්‍ය ප්‍රකාශයන් සමූහය දෙස විමසුම් නුවණින් බලන කවරෙකුට වුව ද සත්‍ය කුමක්දැයි වටහා ගත හැකි වුවත් අදාළ මුලාශ්‍ර උපයෝගී කර ගනිමින් සත්‍යය ඉස්මතු කරලීම වඩාත් අර්ථවත් හෙයින් මෙතැන් සිට එකින් එක කරුණු පහදා දෙන්නෙමු.
බුදුරජාණන් වහන්සේ පහළ වූයේ ලංකාවේ ද? (1 වන කොටස)
එබැවින් සම්බුද්ධ දේශනාවන් තුළින් ම ත්‍රිපිටකයේ සඳහන් භාග්‍යවතුන් වහන්සේ වදාළ ශ්‍රී සද්ධර්මයත්, පනවා වදාළ උතුම් විනය ප්‍රඥප්තීනුත් ඇසුරු කරගෙන අපි නිවැරදි නිගමනයන්ට එළැඹීම ඉතා වැදගත් ය. ‘බුදුරජාණන් වහන්සේ ඉපදුණේ, වැඩ සිටියේ, දහම් දෙසුවේ ලංකාවේ දී ය’ යන මතය කෙතරම් හරසුන්, අශාසනික, අසත්‍යය කරුණක්දැයි කියා ....
පොල්ගහවෙල මහමෙව්නාව භාවනා අසපුවේ වෙසක් විශේෂාංගය
මජ්ඣිම නිකායට අයත් මෙම දෙසුමෙහි ඇතුලත් කරුණු පිළිබඳ නිසි අවබෝධයක් ලබාදෙනු පිණිස යන්ත්‍රානුසාරයෙන් ක්‍රියාකරවන චලන රූපක භාවිතා කරමින් ඉතා අසිරිමත් නිර්මාණයක් එළඹෙන වෙසක් මංගල්‍යය නිමිත්තෙන් පොල්ගහවෙල මහමෙව්නාව භාවනා අසපුව මගින් ඉදිරිපත් කොට තිබේ. මෙම වෙසක් විශේෂාංගය අප්‍රේල් මස 29 වන දින වෙසක් පුන් පොහෝ දා සිට මැයි මස 06 වන දින දක්වා උදෑසන 6.00 සිට රාත්‍රී 9.30 දක්වා එම ශාලාව ඔබ වෙනුවෙන් විවෘතව පවතී.
සිඩ්නි අසපුවට බෝධීන් වහන්සේ වැඩම කරවීම
මහමෙව්නාව භාවනා අසපු සංචිතයේ නිර්මාතෘ පූජ්‍ය කිරිබත්ගොඩ ඤාණානන්ද ස්වාමීන් වහන්සේගේ ආශිර්වාද මධ්‍යයේ ශ්‍රී ලංකාද්වීපයේ සිට ඕස්ට්‍රේලියාවේ මෙල්බර්න් නුවර මහමෙව්නාව භාවනා අසපු පින්බිමට වැඩමකරවන්නට යෙදුන උතුම් බෝධීන්වහන්සේ නමක් 2018-04-15 වන දින සිඩ්නි නුවර සුපිහිටි මහමෙව්නාව භාවනා අසපු පින්බිමට වැඩමකරවන්නට යෙදිණි. අලංකාර ලෙස සරසන ලද නෞකාවක වඩාහිඳුවා ධජපතාක නැංවූ මගෙහි සැදැහැවතුන්ගේ සාදුකාර මධ්‍යයේ හේවිසි හා සංඛ නාදයෙන් පුදමින් දර්ශනිය පෙරහැරකින් වැඩම කරවූ බෝධින්වහන්සේ මලින් සැරසු සොඳුරු මණ්ඩපයක තැන්පත් කෙරිණි. අනතුරුව සැදැහැ සිතින් පිළියෙල කල මල්, පහන්, ගිලන්පස ආදී සියලු පුජාවන් පුජාකරමින් සිදුකළ අසිරිමත් බෝධි වන්දනාව බොහෝ දෙනාට පිං ඵල උපදවන්නක් විය.
උතුම් තිසරණයට අනතුරු නොකර ගනිත්වා!
“මහණෙනි, අරහත් සම්මා සම්බුද්ධ වූ තථාගත තෙමේ නූපන් නිවන්මග උපදවන්නා ය. නොහටගත් නිවන්මග හටගන්වන්නා ය. දෙව්මිනිස් කිසිවෙකු නොපවසන ලද නිවන් මග පවසන්නා ය. නිවන් මග මැනැවින් දන්නා ය. නිවන් මග මැනැවින් අවබෝධ කළ කෙනා ය. [...]
Archaeologists’ discovery puts Buddha’s birth 300 years earlier
When Professor Robin Coningham's youngest son Gus was five, he was asked at school what his father did. "He works for the Buddha," said the boy. Which led to a bit of confusion, recalls Coningham. But it turns out Gus was not that far off the mark. Last week it emerged that a team led by Coningham, a professor of archaeology and pro-vice-chancellor at Durham University, had made a startling discovery about the date of the Buddha's birth, one that could rewrite the history of Buddhism. After a three-year dig on the site of the Maya Devi temple at Lumbini in Nepal, Coningham and his team of 40 archaeologists discovered a tree shrine that predates all known Buddhist sites by at least 300 years.
මහමෙව්නාව මහා විහාරයේ වෙසක් පින්කම්
තිලෝගුරු භාග්‍යවත් අරහත් ගෞතම සම්මා සම්බුදුරජාණන් වහන්සේගේ උතුම් ත්‍රෛමංගල්‍යය සිහිකරමින් අපගේ භාග්‍යවතුන් වහන්සේගේ අපරිමිත ගුණස්කන්ධයට උපහාර පිණිස නා නා විධ ආමිස සහ ප්‍රතිපත්ති පූජෝපහාර පැවැත්වීමත් දහස් සංඛ්‍යාත සැදැහැතියන්ගේ සිත් තුළ බුද්ධ, ධම්ම, සංඝ යන ත්‍රිවිධරත්නය කෙරෙහි පහන් සිතිවිලි ඇති කරලීමත් පිණිස මාතර, උඩඅපරැක්ක මහමෙව්නාව මහා විහාරයේ ද දින 5ක් පුරා විශේෂ පින්කම් මාලාවක් සංවිධානය කොට තිබේ.
කුණ්ඩසාලේ මහමෙව්නාව අසපුවේ වෙසක් පින්කම්
ශ්‍රී බුද්ධ වර්ෂ 2562 වෙසක් පුන් පොහොය නිමිති කරගෙන කුණ්ඩසාලේ මහමෙව්නාව භාවනා අසපුවේ අප්‍රේල් මස 21 වන දින සිට 29 වනදා දක්වා ත්‍රිපිටක සජ්ඣායනාවක් ද ඇතුලුව විශේෂ පින්කම් මාලාවක් සංවිධානය කොට තිබේ. මින් වසර 2607 කට පෙර දඹදිව බුද්ධගයාවේ වජිරාසනය මත වැඩහිඳිමින් උතුම් සම්මා සම්බෝධිය සාක්ෂාත් කළ අපගේ මහාමුනීන්ද්‍රයන් වහන්සේ විසින් පන්සාලිස් වසරක් මුළුල්ලෙහි දෙව් මිනිස් ලෝ සතුන් කෙරෙහි අපමණ කරුණාවෙන් දේශනා කොට වදාළ නෛර්යාණික ශ්‍රී සද්ධර්මයෙහි ඇතුලත් ඒ ඒ නිකායන්ට අයත් සූත්‍ර දේශනා සතියක් පුරා එම උතුම් පින්බිමේදී බුද්ධ භාෂාවෙන් ම සජ්ඣායනා වනු ඇත. එහි කාලසටහන පහත අමුණා තිබේ. එමෙන්ම එම සතිය පුරා සෑම දිනකම රාත්‍රී 7.00 සිට 8.30 දක්වා ධර්ම දේශනාවක් පැවැත්වෙන අතර එම දිනවලදී කුණ්ඩසාලේ මහමෙව්නාව භාවනා අසපුවට පැමිණීමෙන් එම උතුම් සදහම් ශ්‍රවණය කරන්නටත් සජ්ඣායනා කරන්නටත් ඒ තුලින් උතුම් පින් රැස්කරගැනීමටත් මහඟු අවස්ථාවක් උදාවී ඇත. මීට අමතරව වෙසක් පුන් පොහෝ දින උදෑසන 6.00 සිට පසුදා පහන්වන තුරු සීල භාවනා වැඩසටහන පැවැත්වෙන අතර එදින දහවල් 1.00 ට පූජ්‍ය කිරිබත්ගොඩ ඤාණානන්ද ස්වාමීන් වහන්සේ විසින් සුමධුර ධර්ම දේශනයක් ද පැවැත්වීමට නියමිත ය. ලද දුලබ මිනිස් දිවිය තුල තෙරුවන් සරණ ගිය ශ්‍රාවකයන් ලෙස තම ජීවිතයට අපමණ පින්ඵල නෙළාගනු පිණිසත් අපගේ භාග්‍යවතුන් වහන්සේගේ උතුම් සම්බුදු තෙමඟුල අර්ථවත්ව සැමරීම පිණිසත් මෙම පින්කම් මාලාවට සම්බන්ධ වන ලෙස මහනුවර ප්‍රදේශයේ වෙසෙන ඔබ සැමට මෙත් සිතින් ආරාධනා කර සිටිමු.
කන්තලේ අසපුවේ පින්කම
බොහෝ දෙනෙකුට සුවසේ දහම් අසනු පිණිස කන්තලේ මහමෙව්නාව භාවනා අසපුවෙහි ඉදිවෙන අභිනව දෙමහල් ධර්ම ශාලාවේ පළමු මහලෙහි වැඩ අවසන් වීම නිමිත්තෙන් සැමට සෙත් පතා සර්වරාත්‍රික පරිත්‍රාණ ධර්ම දේශනාවක් සහ සියක් නමක් පමණ වූ මහසඟරුවන වඩමවා මහා සංඝගත දක්ෂිණාවක් පසුගිය අපේ්්‍රල් මස 7 සහ 8 යන දෙදින තුළ කන්තලේ ධම්මගිරි භාවනා අසපුවේදී බොහෝ සැදැහැවතුන් පිරිසකගේ සහභාගීත්වයෙන් පවත්වන්නට යෙදුනි. මෙහිදී මරණයට කැපවූ කිරිදෙනුන් සයදෙනෙකු මරණයෙන් මුදවා ඔවුන්ව ආදරයෙන් රැකබලා ගත හැකි පවුල් වෙත ලබාදීමේ අභයදානමය පුණ්‍ය කර්මයක් ද සිදුකෙරුණු අතර අසපුවෙහි වැඩසිටින සර්වඥ ධාතු නිධාපිත ධම්මගිරි මහසෑ රජුන් උදෙසා විශේෂ වන්දනාවක් ද පවත්වන ලදී. විශේෂයෙන් ම අපගේ වෙබ් අඩවිය මගින් පළකළ දැන්වීම්වලට අනුව මෙම ධර්ම ශාලාවේ ඉදිකිරීම් කටයුතු සඳහා දායකත්වය ලබාදුන් දෙස් විදෙස් සැදැහැවතුන්ටත් මෙම පින්කම සාර්ථක අයුරින් සිදුකරගැනීමට නන් අයුරින් උපකාර කළ සියලු දෙනාටත් දැකබලා අනුමෝදන් වන සියලු දෙනාටත් මේ ගෞතම බුදු සසුන තුළදී ම සුවසේ උතුම් චතුරාර්ය සත්‍ය ධර්මය අවබෝධ කරගැනීම පිණිස මේ සියලු පින් හේතුවාසනා වේවා!
ලේ දන්දීමේ පින්කම | 2018-04-08
පොල්ගහවෙල මහමෙව්නාව භාවනා අසපුව මගින් 26 වන වරටත් සංවිධානය කරන ලද ලේ දන් දීමේ පින්කම 2018-04-08 වන දින පොල්ගහවෙල මහමෙව්නාව භාවනා අසපුවේදී පැවැත්වුනා. මෙහිදී අසපුවේ නේවාසිකව වැඩවසන පින්වත් ස්වාමීන් වහන්සේලා ද ඇතුළුව 180 පමණ පිරිසක් තම රුධිරය පරිත්‍යාග කළා. ඒ සියලු දෙනාට ආහාරපානාදියෙන් සංග්රහ කළේ පොල්ගහවෙල මහමෙව්නාව භාවනා අසපුවේ උපස්ථාන කමිටුවේ පින්වතුනුත් යොවුන් බෝධිඤාණ සභාවේ දරුදැරියනුත් විසිනුයි. “මියැදෙනා හදකට පණනලක් වන්නට ලේ බිඳක් දන්දෙමු” යන උදාර පුණ්‍ය චේතනාව පෙරදැරි කරගෙන අසරණ රෝගියෙකු මරණයෙන් ගලවා ගැනීම පිණිස තම රුධිරය පරිත්‍යාග කළ ඒ සියලු දෙනාටත් මේ පින්කම සාර්ථක කරගැනීම සඳහා අවවාද අනුශාසනා ලබාදුන් පින්වත් ස්වාමීන් වහන්සේලාටත් ආහාරපානාදියෙන් සංග්රහ කළ සියලු පින්වතුන්ටත් නිදුක් නිරෝගී සුවපත් භාවය පිණිසත් ඉතා සුවසේ උතුම් චතුරාර්ය සත්‍යය ධර්මය අවබෝධ කරගැනීම පිණිසත් මේ සියලු පින් හේතුවාසනා වේවා! සියල්ලෝම මේ පින දැක බලා සතුටු සිතින් අනුමෝදන් වෙත්වා!
