නමෝ බුද්ධාය!
කරුණාවෙන් දැනුම්දීමයි
අපගේ පින්වත් ලොකු ස්වාමීන් වහන්සේ විසින් සෑම මසක ම තුන්වන ඉරු දින සිට පවත්වාගෙන ආ අලුත් දහම් වැඩසටහන ළඟ ළඟ පොහොය දින පැමිණීම හේතුවෙන් පහත සඳහන් අයුරින් වෙනස් කරගන්නට සිදුවිය.
එමෙන්ම ඉදිරියේදී මෙම වැඩසටහන ශ්‍රද්ධා රූපවාහිනිය ඔස්සේ සජීවීව විකාශය නොවන නිසා සියලු දෙනාට පොල්ගහවෙල අසපුවට පැමිණ ධර්ම ගෞරවයෙන් යුක්තව මෙම සදහම් වැඩසටහනට සහභාගී විය හැක.
මෙම අලුත් දහම් වැඩසටහන තුළින් මෙතෙක් කල් පටිච්ච සමුප්පාදය පිළිබඳව බුද්ධ දේශනා ඇසුරින් බොහෝ කරුණු උගන්වනු ලැබිණි. ඉදිරියේදී ද ඔබට මෙම දහම් වැඩසටහනට සහභාගී වීමෙන් බුදුරජාණන් වහන්සේ වදාළ ගැඹුරු දහම් කරුණු ඇතුලත් සූත්‍ර දේශනා විස්තරාර්ථ සහිතව ඉගෙන ගැනීමේ ඉතා දුර්ලභ භාග්‍යය ළඟා කරගත හැකිය.
විශේෂයෙන් ම මෙම දහම් වැඩසටහනට සහභාගී වන පින්වතුන් උදෙසා දානය-ගිලන්පස ආදිය භාරගැනීමේ අවස්ථාව ද ඔබට උදාවී තිබේ. එම පුණ්‍ය කර්මය රැස්කර ගැනීමට කැමැති පින්වතුන් 0779516124 යන දුරකතන අංකයට අමතන්න.
තෙරුවන් සරණයි!
මහමෙව්නාව භාවනා අසපුව
පොල්ගහවෙල.
