මහා තෙද ඇති, මහා බල ඇති අංගුලිමාල මහරහතන් වහන්සේ උදෙසා මහා පූජෝපහාර මංගල්‍යයක් පසුගිය මැදින් පුන් පොහෝදා (2019-03-20) හලාවත, බිංගිරිය, බෝවත්ත මහමෙව්නාව භාවනා අසපුවේදී පැවැත්වුනා.

අංගුලිමාල මහරහතන් වහන්සේ උදෙසා උදෑසන සහ දහවල දානය පූජා කිරීම, සවස ගිලන්පස පූජා කිරීම, පහන් ආලෝක පූජා, සුවඳ දුම් පූජා, නානාවිධ පුෂ්ප පූජා, අංගුලිමාල මහරහතන් වහන්සේගේ ගුණ ඇතුලත් ධර්ම දේශනා, අංගුලිමාල මහරහතන් වහන්සේගේ ගුණ සජ්ඣායනා, අංගුලිමාල සූත්‍රය පාළියෙන් සහ සිංහලෙන් සජ්ඣායනා කිරීම, රැය පහන්වන තුරු අංගුලිමාල පිරිත සජ්ඣායනා කිරීම ආදී වශයෙන් පුරා පැය විසිහතරක් නානාවිධ පුද පූජා පැවැත්වුනා.

දිවයිනේ නන් දෙසින් පැමිණි දස දහස් සංඛ්‍යාත සැදැහැවතුන් සහභාගී වූ ශ්‍රී අංගුලිමාල අරහන්ත වන්දනාවෙන් ලත් උදාර පුණ්‍ය මහිමය පින් කැමති සියලු දෙනා සතුටු සිතින් අනුමෝදන් වෙත්වා!