අප මාතෘභූමියට බලපා ඇති ගංවතුර සහ නාය යෑම් ආදී ස්වාභාවික විපත් හේතුවෙන් අසරණව සිටින අපේම සහෝදර ජනතාවට පිහිට සැළසීම සඳහා මහමෙව්නාව භාවනා අසපු සංචිතයත් ශ්‍රද්ධා මාධ්‍ය ජාලයත්, තාවතිංස යාත්රා සංවිධානයත් එක්ව කඩිනම් සහනාධාර ලබා දීමේ ව්‍යාපෘතියක් දියත් කරමින් පවතී…
එ් අනුව පිසූ ආහාර, වියළි ආහාර, පානීය ජල බෝතල්, බෙහෙත් ද්‍රව්‍ය, සනීපාරක්ෂක ද්‍රව්‍ය ආදී බොහෝ අත්‍යවශ්‍ය ද්‍රව්‍ය පිහිටක් ලැබිය යුතු අසරණ ජනතාව වෙත මේ වන විටත් බෙදා දෙමින් පවතින අතර තව දුරටත් අඛණ්ඩව ක්‍රියාත්මක වන සහන සැලසීමේ ක්‍රියාන්විතයට පින්වත් ඔබටත් දායක විය හැකිය.
විපතට පත් ජනතාවට සහන සැලසීම සඳහා වියලි ආහාර, පානීය ජලය, සනීපාරක්ෂක ද්‍රව්‍ය, බෙහෙත් සහ ඇදුම් පැළදුම් ආදී ඔබගේ පරිත්‍යාග පහත මධ්‍යස්ථාන වෙත ලබාදිය හැකිය.
ඔබේ මුදල් පරිත්‍යාග පහත ගිණුම් අංකයන් වෙත බැර කළ හැකියි.
මේ සියලු කටයුතු සඳහා අප හට නිබඳ ආශිර්වාද කරනා අපගේ ගුරුදේවෝත්තම පින්වත් ලොකු ස්වාමීන් වහන්සේටත් උපකාර කරනා සියලු පින්වතුන්ටත් මේ සියලු පින් අනුමෝදන් වෙත්වා! සසරේ කිසිදු භවයක දී මෙවන් විපකට මුහුණ නොදී මේ ගෞතම බුදු සසුනේදීම උතුම් ධර්මාවබෝධය ලබත්වා!
